12/10/2013: o día das 6 baleas alibrancas

O sábado día 12 de outubro de 2013 será recordado por un avistamento realmente excepcional: nada menos que 6 baleas alibrancas observadas a curta distancia durante máis de 20 intensos minutos a 12 millas ao W da illa de Sálvora.
Pero houbo máis cousas nesta saída peláxica, que comezou ás 8:45 no porto do Grove, co ceo encapotado e multitude de aves nas bateas da ría, ademais dun pequeno grupo de arroaces. Os furabuchos baleares, os mascatos e os corvos mariños cristados comezaron a aparecer na zona externa da ría, a medida que nos aproximabamos ao illote de Pombeiro. Tras superar a vertical da illa de Sálvora, dirixímonos ao primeiro "chum" a 12 millas ao WSW desta, observando polo camiño pardelas encapuchadas e escuras, pentumeiros, palleiras grandes e parasitas e un número inusualmente alto de mascatos e gaivotas escuras. Un único paíño indeterminado "cruzouse" no camiño do barco á vez que grupitos de golfiños comúns fixeron as delicias da pasaxe ao aproximarse ao "Chasula". O "chum" foi moi produtivo, cun grupo de 15 gaivotas de Sabine, e multitude de gaivotas, incluíndo cabecinegras e un gaivotón.
O segundo "chum", máis ao norte, foi inesquecible, coa aparición de catro baleas alibrancas literalmente ao lado do barco, con dúas un pouco máis afastadas. Atopábanse comendo nese punto, efectuando sopridos, xiros de corpo, inmersións sincronizadas e aparicións repentinas a apenas 10 m do "Chasula". Unha delas era enorme, rozando (se non superando) os 10 m de lonxitude. O posterior veu eclipsado polo "subidón" do avistamento, pero foi tamén apreciado polos participantes: máis gaivotas de Sabine, ata sumar 61 diferentes, unha gaivina negra, un carolo pousado, tres furabuchos do Atlántico, grupiños de golfiños comúns e mesmo un peixe roda. Unha gaivota pequena foi fotografada por un de nós.
A entrada á ría polos illotes do norte de Sálvora foi tamén destacada, con dúas aves de rapina como protagonistas: unha tartaraña das xunqueiras femia, que sobrevoou Vionta, Herbosa e cicleou repetidamente en Noro, e un esmerillón pousado no alto deste último illote.
O broche ao regreso a porto puxérono os furabuchos baleares, unha solitaria gaivota cana e un xoguetón grupo de arroaces, que, cos seus saltos celebraron esta saída, a da Festa do Marisco, que ben poderíase chamar a Festa das baleas.

Táboa de avistamentos proximamente.

E algunhas fotos, (c) Xoán Diéguez Vázquez e Juan Gómez Escariz. Tamén un vídeo (c) Cosme D. Romay, publicado na canle do Grupo Naturalista Hábitat:

Balea alibranca (Balaenoptera acutorostrata), 12/10/2013, 12 millas náuticas ao W da illa de Sálvora (SW Galiza) (c) Xoán Diéguez Vázquez.

Balea alibranca (Balaenoptera acutorostrata), 12/10/2013, 12 millas náuticas ao W da illa de Sálvora (SW Galiza) (c) Xoán Diéguez Vázquez.

 Balea alibranca (Balaenoptera acutorostrata), 12/10/2013, 12 millas náuticas ao W da illa de Sálvora (SW Galiza) (c) Cosme D. Romay Cousido.

Golfiño común (Delphinus delphis), 12/10/2013, 8 millas náuticas ao W da illa de Sálvora (SW Galiza) (c) Xoán Diéguez Vázquez.

Golfiño común (Delphinus delphis), 12/10/2013, 8 millas náuticas ao W da illa de Sálvora (SW Galiza) (c) Xoán Diéguez Vázquez.

Pardela encapuchada (Puffinus gravis), 12/10/2013, 8 millas náuticas ao W da illa de Sálvora (SW Galiza) (c) Xoán Diéguez Vázquez.

Furabuchos balear (Puffinus mauretanicus), 12/10/2013, 12 millas náuticas ao W da illa de Sálvora (SW Galiza) (c) Xoán Diéguez Vázquez.

Furabuchos balear (Puffinus mauretanicus), 12/10/2013, ría de Arousa (SW Galiza) (c) Xoán Diéguez Vázquez.

Mascato (Morus bassanus), xuvenil, 12/10/2013, 12 millas náuticas ao W da illa de Sálvora (SW Galiza) (c) Xoán Diéguez Vázquez.

Esmerillón (Falco columbarius), 12/10/2013, illote de Noro, xunto a Sálvora (SW Galiza) (c) Xoán Diéguez Vázquez.

Gaivota cabecinegra (Larus melanocephalus), adulto, 12/10/2013, porto do Grove (SW Galiza) (c) Juan Gómez Escariz.

Gaivota cabecinegra (Larus melanocephalus), inmaturo de segundo inverno, 12/10/2013, porto do Grove (SW Galicia) (c) Juan Gómez Escariz.

Gaivota de Sabine (Xema sabini), adulto, 12/10/2013, 12 millas náuticas ao W da illa de Sálvora (SW Galiza) (c) Xoán Diéguez Vázquez.

Gaivota de Sabine (Xema sabini), adulto, 12/10/2013, 12 millas náuticas ao W da illa de Sálvora (SW Galiza) (c) Xoán Diéguez Vázquez.

Gaivota de Sabine (Xema sabini), adulto, 12/10/2013, 12 millas náuticas ao W da illa de Sálvora (SW Galiza) (c) Xoán Diéguez Vázquez.

04/10/2013: saída co COBGA a Sálvora

A media mañá do día 4 de outubro de 2013 saímos un grupo de observadores nunha saída promovida polo Parque Nacional das Illas Atlánticas e o Colexio Oficial de Biólogos, en coordinación don Intramar, S. L. O mar, con lixeiro mar de fondo, e o ceo despexado xusto no Grove (non así nos montes próximos) anunciaban unha saída cómoda. Fomos navegando cara a zona de bateas ao norte do Grove, observando especies como garza real, corvo mariño cristado, pilro tridáctilo, gaivotón e carrán cristado, entre outros. Xa na boca da ría aparecerían os primeiros furabuchos baleares e mascatos. Arredor das 12:00 chegamos ao embarcadoiro da illa de Sálvora, sendo recibidos por Roberto, o guía e vixilante desta illa do Parque Nacional. Na súa compañía fomos percorrendo a cara leste de Sálvora, ata chegar á aldea abandonada. Houbo observacións de aves como papuxa cabecinegra, do mato e das amoras, verderolo común, merlo, azulenta e incluso de dous azores, dous miñatos e nada menos que unha tartaraña das xunqueiras. Tamén se anotaron réptiles e varias especies de bolboretas.

Arredor das 14:30 partimos cara a canle norte de Sálvora e dirixímonos cara ao punto de chum das 6 millas ao W da punta Couso, onde o aceite atraiu cinco paíños pequenos, celebrados por toda a pasaxe. Ao chum conxelado entrou unha palleira grande, pardela escura e incluso carráns cristados.
No regreso veríamos máis pardelas e multitude de gaivotas, ademais de dous golfiños comúns. 
Xa na ría, navegamos cara a illa de Rúa gozando de grupos de furabuchos baleares e corvos mariños cristados, con algunhas gaivotas cabecinegras pousadas na auga, rematando a xornada cos saltos de arroaces preto do porto do Grove.

Eis aquí a táboa de resultados. En negriña, observacións destacadas. En cursiva, cifras aproximadas:

Nome científico	Nome galego	TOTAL	Notas
Melanitta nigra	Pentumeiro	2	Macho e femia
Hydrobates pelagicus	Paíño pequeno	6
Puffinus griseus	Pardela escura	7
Puffinus puffinus	Furabuchos atlántico	1	Desgastado
Puffinus mauretanicus	Furabuchos balear	88	1 morta, enmallada
Morus bassanus	Mascato	26	1 morto, aboiando
Phalacrocorax carbo	Corvo mariño grande	3
Phalacrocorax aristotelis	Corvo mariño cristado	425
Egretta garzetta	Garzota	1
Ardea cinerea	Garza real	5
Circus aeruginosus	Tartaraña das xunqueiras	1	Xuvenil/femia en Sálvora
Accipiter gentilis	Azor	2	Macho e femia (Sálvora)
Buteo buteo	Miñato	2	En Sálvora
Haematopus ostralegus	Gabita	1
Charadrius hiaticula	Píllara real	23	En Sálvora
Calidris canutus	Pilro groso	1	En Sálvora
Calidris alba	Pilro tridáctilo	50	En Sálvora e na ría
Calidris alpina	Pilro común	1
Actitis hypoleucos	Bilurico das rochas	1
Arenaria interpres	Virapedras	7
Stercorarius skua	Palleira grande	1
Chroicocephalus ridibundus	Gaivota chorona	101
Larus melanocephalus	Gaivota cabecinegra	22
Larus fuscus	Gaivota escura	32
Larus michahellis	Gaivota patiamarela	1491	1 tipo L. m. atlantis
Larus marinus	Gaivotón	8	Todos adultos
Sterna sandvicensis	Carrán cristado	24
Motacilla flava	Lavandeira amarela	4	En Sálvora
Motacilla alba	Lavandeira branca	4	En Sálvora
Troglodytes troglodytes	Carriza	2	En Sálvora
Prunella modularis	Azulenta común	2	En Sálvora
Erithacus rubecula	Paporrubio	20	En Sálvora
Phoenicurus ochruros	Rabirrubio	2	En Sálvora
Oenanthe oenanthe	Pedreiro cincento	1	En Sálvora
Saxicola torquatus	Chasco común	4	En Sálvora
Turdus merula	Merlo común	6	En Sálvora
Sylvia undata	Papuxa do mato	1	En Sálvora
Sylvia melanocephala	Papuxa cabecinegra	2	En Sálvora
Sylvia communis	Papuxa común	1	En Sálvora
Sylvia atricapilla	Papuxa das amoras	10	En Sálvora
Carduelis chloris	Verderolo	10	En Sálvora
Carduelis cannabina	Liñaceiro	25	En Sálvora
Scolopacidae	Limícola non identificada	2
Delphinus delphis	Golfiño común	3
Tursiops truncatus	Arroaz	5
Podarcis bocagei	Lagartixa galega	4	En Sálvora
Timon lepidus	Lagarto arnal	2	En Sálvora
Pieris rapae	Branca da couve	2	En Sálvora
Pontia daplidice	Noiva	1	En Sálvora
Coenonympha pamphilus	Néspera	1	En Sálvora
Pararge aegeria	Maculada	3	En Sálvora
Vanessa atalanta	Bolboreta rei	1	En Sálvora

 
E tamén algunhas fotografías (PRONTO)

22/09/2013: aves mariñas, televisión e outra balea alibranca!

O domingo 22 de setembro de 2013 houbo un embarque especial, contratado por SK Kayak, de Girona, e o cal foi filmado por un equipo da Televisión de Galicia. As condicións meteorolóxicas e do mar, extraordinarias, que permitiron a toda a pasaxe gozar unha excelente peláxica. Partimos ás 8:30 horas do porto do Grove, avistando de seguido arroaces e un bo números de furabuchos baleares. Pasamos pola canle norte de Sálvora entre centos de gaivotas patiamarelas e corvos mariños cristados e ao rebasar punta Couso unha manchea de mascatos fixeron picados xunto ao barco, ante o deleite da pasaxe. A unhas 6 millas avistamos unha balea alibranca, aparentemente distinta da vista o día 17/08/2013 (ver aquí), unha vez que pensamos que se trataba dun subadulto, de "só" 5 m de lonxitude. Houbo catro contactos visuais co individuo, que se mostrou esquivo. O chum a 12 millas atraiu gaivotas de Sabine, paíños pequenos e tamén peixes roda, ademais de palleiras grandes, parasitas e un número notable de gaivotas escuras. Unha pardela encapuchada e un furabuchos atlánticos foron celebrados por toda a pasaxe. O regreso culminou co avistamento dun pequeno grupo de golfiños comúns na bocana da ría de Arousa (sorprendeu que non se viran máis, coñecendo o balance do día anterior, ver aquí) e dunha manda preto do porto do Grove de arroaces, que cos seus saltos puxeron un broche de ouro a unha peláxica moi boa. Antes da táboa de rexistros e das fotos, deixamos o resumo da saída segundo apareceu esa mesma noite no Telexornal Serán da Televisión de Galicia (pica enriba da imaxe para abrir a ligazón do vídeo):

E, agora, sí, a táboa dos avistamentos; coma sempre, as observacións destacadas en grosa e as cifras aproximadas en cursiva: (pronto)

E tamén algunhas fotos, todas (c) Carlos Martín:

Pardela escura (Puffinus griseus), 12 millas ao W da illa de Sálvora (SW Galiza), 22/09/2013, (c) Carlos Martín.

Pardela escura (Puffinus griseus), 12 millas ao W da illa de Sálvora (SW Galiza), 22/09/2013, (c) Carlos Martín.

Furabuchos balear (Puffinus mauretanicus), ría de Arousa (SW Galiza), 22/09/2013, (c) Carlos Martín.

Mascato (Morus bassanus), xuvenil, 2 millas ao W da illa de Sálvora (SW Galiza), 22/09/2013, (c) Carlos Martín.

Mascato (Morus bassanus), adulto, 2 millas ao W da illa de Sálvora (SW Galiza), 22/09/2013, (c) Carlos Martín

Mascato (Morus bassanus), xuvenil, 2 millas ao W da illa de Sálvora (SW Galiza), 22/09/2013, (c) Carlos Martín

Corvo mariño cristado (Phalacrocorax aristotelis), illa de Sálvora (SW Galiza), 22/09/2013, (c) Carlos Martín

Corvo mariño cristado (Phalacrocorax aristotelis), illa de Sálvora (SW Galiza), 22/09/2013, (c) Carlos Martín

Palleira parasita (Stercorarius parasiticus), morfo intermedio, 12 millas ao W da illa de Sálvora (SW Galiza), 22/09/2013, (c) Carlos Martín

Palleira grande (Stercorarius skua), probable xuvenil, 12 millas ao W da illa de Sálvora (SW Galiza), 22/09/2013, (c) Carlos Martín

Palleira grande (Stercorarius skua), probable xuvenil, 12 millas ao W da illa de Sálvora (SW Galiza), 22/09/2013, (c) Carlos Martín

Gaivota cabecinegra (Larus melanocephalus), adulto, ría de Arousa (SW Galiza), 22/09/2013, (c) Carlos Martín

Gaivota escura (Larus fuscus), xuvenil, 12 millas ao W da illa de Sálvora (SW Galiza), 22/09/2013, (c) Carlos Martín

Gaivina negra (Chlidonias niger), xuvenil, 12 millas ao W da illa de Sálvora (SW Galiza), 22/09/2013, (c) Carlos Martín

Arroaz (Tursiops truncatus), ría de Arousa (SW Galiza), 22/09/2013, (c) Carlos Martín

Peixe roda (Mola mola), 12 millas ao W da illa de Sálvora (SW Galiza), 22/09/2013, (c) Carlos Martín

Peixe roda (Mola mola) e xuvenil de gaivota escura (Larus fuscus), 12 millas ao W da illa de Sálvora (SW Galiza), 22/09/2013, (c) Carlos Martín

21/09/2013: moi boa lista!!!!

O sábado 21 de setembro de 2013 partimos ilusionados desde o porto do Grove coa finalidade de gozar dunha boa peláxica. Esta era a "peláxica da gran lista", xa que podíamos observar aves mariñas máis típicas do verán xunto coas que se atopaban en plena migración ou incluso os primeiros invernantes. Ao pouco de saír de porto notamos un certo tremor no barco. O patrón, que imaxinaba que acontecía, decidiu atracar en Sálvora e proceder ao exame da hélice: un salabardo se enleara! Tras retiralo, proseguimos a peláxica cunha sorpresa en forma de dúas toniñas moi preto do barco.

Xa ao "dobrar" Sálvora o mar foi algo en aumento aínda que con ondas acompasadas, para logo baixar en altura. Os golfiños comúns comezaron aparecer en bo número, así como algunhas pardelas cincentas, mascatos e as primeiras palleiras grandes e parasitas. Tamén se anotou un furabuchos atlántico. Fomos directamente cara ás 12 millas onde botamos o chum e o aceite. Non houbo paíños esta vez, pero si 14 gaivotas de Sabine e 4 gaivotas pequenas: a primeira vez que aparecen nas peláxicas de Seabirds Galicia! Tras gozar dos ataques de palleiras parasitas e grandes ás gaivotas, emprendemos a viaxe de regreso rodeados de cada vez máis golfiños comúns, estimándose ao menos 250 a unhas 4 millas de Sálvora!

Xa dentro da ría, os grupiños de furabuchos baleares e numerosas garzas, limícolas, gaivotas e carráns nas bateas puxeron o broche a unha peláxica produtiva. Ao final, 28 especies de aves acuáticas e 3 especies de cetáceos. Non estivo mal!

A seguir, a lista de avistamentos. En grosa as citas máis salientables e en cursiva cifras aproximadas:

Nome científico	Nome galego		Notas
Melanitta nigra	Pentumeiro	3
Calonectris diomedea	Pardela cincenta	3
Puffinus gravis	Pardela encapuchada	1	Primeira deste ano
Puffinus griseus	Pardela escura	20	Cifra alta
Puffinus puffinus	Furabuchos atlántico	1
Puffinus mauretanicus	Furabuchos balear	44
Morus bassanus	Mascato	48
Phalacrocorax carbo	Corvo mariño grande	6
Phalacrocorax aristotelis	Corvo mariño cristado	107
Egretta garzetta	Garzota	2
Ardea cinerea	Garza real	1
Haematopus ostralegus	Gabita	45
Charadrius hiaticula	Píllara real	1
Calidris alba	Pilro tridáctilo	1	En Sálvora
Numenius phaeopus	Mazarico chiador	1
Actitis hypoleucos	Bilurico das rochas	1
Arenaria interpres	Virapedras	35
Stercorarius parasiticus	Palleira parasita	10	Cifra alta
Stercorarius skua	Palleira grande	14
Chroicocephalus ridibundus	Gaivota chorona	46
Larus melanocephalus	Gaivota cabecinegra	14
Larus fuscus	Gaivota escura	88	Poucas, case todas en alta mar
Larus michahellis	Gaivota patiamarela	770
Larus marinus	Gaivotón	9	Maioría adultos nas bateas
Hydrocoloeus minutus	Gaivota pequena	4	Primeiro rexistro nas peláxicas
Xema sabini	Gaivota de Sabine	14	Todos adultos
Sterna sandvicensis	Carrán cristado	20
Sterna hirundo	Carrán común	1
Hirundo rustica	Andoriña común	1	No porto do Grove
Motacilla alba	Lavandeira branca	2	En Sálvora
Corvus corax	Corvo grande	7	En Sálvora
Stercorarius sp.	Palleira non identificada	3
Phocoena phocoena	Toniña	2	Primeiro rexistro este ano
Tursiops truncatus	Arroaz	2	Na ría
Delphinus delphis	Golfiño común	250	Cifra moi alta
Delphinidae	Delfínido non identificado	1	Probablemente D. delphis
Mola mola Prionace glauca		1 2

E, a seguir, algunhas fotos, (c) José Luis Lorenzo García "Colón" e Manolo Carregal Silva:

Pentumeiro (Melanitta nigra), 3 millas ao W da illa de Sálvora (SW Galiza), 21/09/2013, (c) J. L. Lorenzo "Colón"

Pardela cincenta (Calonectris diomedea), 12 millas ao W da illa de Sálvora (SW Galiza), 21/09/2013, (c) J. L. Lorenzo "Colón"

Pardela cincenta (Calonectris diomedea), 12 millas ao W da illa de Sálvora (SW Galiza), 21/09/2013, (c) J. L. Lorenzo "Colón"

Pardela encapuchada (Puffinus gravis), 12 millas ao W da illa de Sálvora (SW Galiza), 21/09/2013, (c) J. L. Lorenzo "Colón"

Pardela encapuchada (Puffinus gravis), 12 millas ao W da illa de Sálvora (SW Galiza), 21/09/2013, (c) J. L. Lorenzo "Colón"

Pardela escura (Puffinus griseus), 12 millas ao W da illa de Sálvora (SW Galiza), 21/09/2013, (c) J. L. Lorenzo "Colón"

Pardela escura (Puffinus griseus), 12 millas ao W da illa de Sálvora (SW Galiza), 21/09/2013, (c) J. L. Lorenzo "Colón"

Pardela escura (Puffinus griseus), 12 millas ao W da illa de Sálvora (SW Galiza), 21/09/2013, (c) J. L. Lorenzo "Colón"

Pardela escura (Puffinus griseus), 12 millas ao W da illa de Sálvora (SW Galiza), 21/09/2013, (c) J. L. Lorenzo "Colón"

Pardela escura (Puffinus griseus), 12 millas ao W da illa de Sálvora (SW Galiza), 21/09/2013, (c) J. L. Lorenzo "Colón"

Mascato (Morus bassanus), xuvenil, 3 millas ao W da illa de Sálvora (SW Galiza), 21/09/2013, (c) J. L. Lorenzo "Colón"

Mascato (Morus bassanus) e gaivotas escuras (Larus fuscus), 3 millas ao W da illa de Sálvora (SW Galiza), 21/09/2013, (c) J. L. Lorenzo "Colón"

Mascato (Morus bassanus), xuvenil, con dúas gaivotas escuras (Larus fuscus), 3 ao W da illa de Sálvora (SW Galiza), 21/09/2013, (c) J. L. Lorenzo "Colón"

Mascato (Morus bassanus), xuvenil, 3 millas ao W da illa de Sálvora (SW Galiza), 21/09/2013, (c) J. L. Lorenzo "Colón"

Mascato (Morus bassanus), xuvenil, 3 millas ao W da illa de Sálvora (SW Galiza), 21/09/2013, (c) J. L. Lorenzo "Colón"

Mascato (Morus bassanus), adulto, 3 millas ao W da illa de Sálvora (SW Galiza), 21/09/2013, (c) J. L. Lorenzo "Colón"

Mascato (Morus bassanus), adulto, 3 millas ao W da illa de Sálvora (SW Galiza), 21/09/2013, (c) J. L. Lorenzo "Colón"

Mascato (Morus bassanus), adulto, 3 millas ao W da illa de Sálvora (SW Galiza), 21/09/2013, (c) J. L. Lorenzo "Colón"

Mascato (Morus bassanus), inmaturo, 3 millas ao W da illa de Sálvora (SW Galiza), 21/09/2013, (c) J. L. Lorenzo "Colón"

Corvo mariño cristado (Phalacrocorax aristotelis), esquerda, e gabitas (Haematopus ostralegus), dereita, con unha gaivota patiamarela (Larus michahellis), centro-esquerda, illa de Sálvora (SW Galiza), 21/09/2013, (c) J. L. Lorenzo "Colón"

Palleira parasita (Stercorarius parasiticus), adulta, probablemente morfo intermedio, 12 millas ao W da illa de Sálvora (SW Galiza),  1/09/2013, (c) J. L. Lorenzo "Colón"

Palleira grande (Stercorarius skua), 12 millas ao W da illa de Sálvora (SW Galiza), 21/09/2013, (c) J. L. Lorenzo "Colón"

Palleira grande (Stercorarius skua), xuvenil, 12 millas ao W da illa de Sálvora (SW Galiza), 21/09/2013, (c) J. L. Lorenzo "Colón"

Gaivotas de Sabine (Xema sabini), adultas, con tres gaivotas pequenas (Hydrocoloeus minutus) abaixo á esquerda, no centro exacto e á dereita do bando, 12 millas ao W da illa de Sálvora (SW Galiza), 21/09/2013, (c) J. L. Lorenzo "Colón"

Gaivotas de Sabine (Xema sabini), adultas, con tres gaivotas pequenas (Hydrocoloeus minutus) abaixo á esquerda, no centro exacto e á dereita do bando, 12 millas ao W da illa de Sálvora (SW Galiza), 21/09/2013, (c) J. L. Lorenzo "Colón"

Gaivotas de Sabine (Xema sabini), adultas, cunha gaivota pequena (Hydrocoloeus minutus) inmatura abaixo á dereita, 12 millas ao W da illa de Sálvora (SW Galiza), 21/09/2013, (c) J. L. Lorenzo "Colón"

Gaivotas de Sabine (Xema sabini), adultas, con tres gaivotas pequenas (Hydrocoloeus minutus) e un carrán común (Sterna hirundo), 12 millas ao W da illa de Sálvora (SW Galiza), 21/09/2013, (c) Manolo Carregal

Gaivotas de Sabine (Xema sabini), adultas, con catro gaivotas pequenas (Hydrocoloeus minutus) e un carrán común (Sterna hirundo), 12 millas ao W da illa de Sálvora (SW Galiza), 21/09/2013, (c) Manolo Carregal

Gaivotas de Sabine (Xema sabini), adultas, con catro gaivotas pequenas (Hydrocoloeus minutus), 12 millas ao W da illa de Sálvora (SW Galiza), 21/09/2013, (c) Manolo Carregal

Carrán cristado (Sterna sandvicensis), xuvenil, 12 millas ao W da illa de Sálvora (SW Galiza), 21/09/2013, (c) Manolo Carregal

Carrán cristado (Sterna sandvicensis), ría de Arousa (SW Galiza), 21/09/2013, (c) J. L. Lorenzo "Colón"

Golfiño común (Delphinus delphis), 4 millas ao W da illa de Sálvora (SW Galiza), 21/09/2013, (c) J. L. Lorenzo "Colón"

Golfiño común (Delphinus delphis), 4 millas ao W da illa de Sálvora (SW Galiza), 21/09/2013, (c) J. L. Lorenzo "Colón"

Golfiño común (Delphinus delphis), 4 millas ao W da illa de Sálvora (SW Galiza), 21/09/2013, (c) J. L. Lorenzo "Colón"

Golfiño común (Delphinus delphis), 4 millas ao W da illa de Sálvora (SW Galiza), 21/09/2013, (c) J. L. Lorenzo "Colón"

Golfiño común (Delphinus delphis), 4 millas ao W da illa de Sálvora (SW Galiza), 21/09/2013, (c) J. L. Lorenzo "Colón"

Golfiño común (Delphinus delphis), 4 millas ao W da illa de Sálvora (SW Galiza), 21/09/2013, (c) J. L. Lorenzo "Colón"

Golfiño común (Delphinus delphis), 4 millas ao W da illa de Sálvora (SW Galiza), 21/09/2013, (c) Manolo Carregal

Golfiño común (Delphinus delphis), 4 millas ao W da illa de Sálvora (SW Galiza), 21/09/2013, (c) Manolo Carregal

Golfiño común (Delphinus delphis), 4 millas ao W da illa de Sálvora (SW Galiza), 21/09/2013, (c) Manolo Carregal

Golfiño común (Delphinus delphis), 4 millas ao W da illa de Sálvora (SW Galiza), 21/09/2013, (c) Manolo Carregal

Toniña (Phocoena phocoena), extremo SW da illa de Sálvora (SW Galiza), 21/09/2013, (c) Manolo Carregal

Peixe roda (Mola mola), 12 millas ao W da illa de Sálvora (SW Galiza), 21/09/2013, (c) J. L. Lorenzo "Colón"